केन्ना केन्ना दिसता हासत रावचे
केन्ना दिसता घो घो रडचे
मनात अशे अनेक येत विचार
केन्ना घेवचे आनी केन्ना घेवचे न्हू मनार
अशेच केन्ना दिसता
हुडचे त्या हुडत्या चिमण्या वांगडा
धवचे वाऱ्याच्या ज्होकावांगडा
फुलचे दसणीच्या फुलावंगडा
अणि केन्ना दिसता
चपको मारून धरुंक त्या चिमण्याक
आडोवाचे त्रासदायक वाऱ्याक
अणि कापुन्क उडोवचे दसणीच्या झाडाक
कांय खीणाक दिसता
जगाक आयुष्यभर हसोवचे
प्रत्येकाचे दुःख पयस करचे
सगळी जीण खोशेन जगचे
एखाद्या वेळार दिसता
फुडल्या मंशाक यथेष्ट बोडोवंक
संसारान सुखाक रोड़ोवंक
सगळ्या जगाच्या रागान हेचेरुच कोड़ोवंक
मनाची स्थिती धावता अशी
मनाची आशा वाडता कशी
मनाची शक्ती सोपता जाशी
प्रश्न पड़ता केन्ना केन्ना...
मनस्तिथी आवरप कशी?
